கல்லு வெள்ளி கொழுசால் வெற்றி வாய்ப்பை இழந்தேன். எம் ஆர் வி. விளக்கம்.

கல்லு வெள்ளி கொழுசால் வெற்றி வாய்ப்பை இழந்தேன். எம் ஆர் வி. விளக்கம். கரூர் பாராளுமன்ற தொகுதியில் அதிமுக வேட்பாளராக, கட்சியின் கரூர் மாவட்ட எம் ஜி ஆர் மன்ற செயலாளர் தங்கவேல் போட்டியிடுகிறார். வேட்பு மனுக்கள் வாபஸ் முடிந்த பிறகு கரூர் மாவட்டத்தில் தேர்தல் களம் சூடு பிடித்து உள்ளது. இன்று வேட்பாளர் தங்கவேலுக்கு ஆதரவாக கரூர் அடுத்த வாங்கல் கடைவீதி பகுதியில் முன்னாள் அமைச்சரும், கரூர் மாவட்ட அதிமுக செயலாளருமான எம் ஆர் விஜயபாஸ்கர் பொதுமக்களிடையே பிரச்சாரம் செய்து வாக்குகள் சேகரித்தார். அப்போது பொது மக்களிடையே பேசும்போது, அதிகாலையில் திமுகவினர் வாக்காளர்களுக்கு வழங்கிய கல்லு வெள்ளி கொலுசால் கடந்த முறை தேர்தலில் வெற்றி வாய்ப்பை இழந்தேன். கொடுத்தது வெள்ளி கொலுசு என கருதி வாக்காளர்களாகிய நீங்களும் ஏமாந்து எனக்கு வாக்களிக்காமல் மாற்றி வாக்களித்தீர்கள். கல்லு வெள்ளி கொலுசை கொடுத்து உங்களையும் ஏமாற்றினார்கள் ஆகையால் இந்த முறை ஏமாறாமல் உஷாராக இருந்து கொள்ளுங்கள். நான் அமைச்சராக இருந்தபோது நீங்கள் கேட்ட அனைத்து வேலைகளையும் செய்து கொடுத்தேன். பல்வேறு திட்டங்களை கொண்டு வந்தேன்.ஆனாலும், தோற்று விட்டேன். நான் மற்றவர்களைப் போல,வேலை வாங்கி தருகிறேன் எனக்கூறி ஏமாற்றவில்லை. ஒருவர் தொழிலையோ, அவரது குடும்பத்தையோ நான் கெடுக்கவில்லை அதனால் தான் தோற்றுவிட்டேன் போலிருக்கிறது என்றார்