தேக்கு மரம் வெட்டியதாக கைது செய்யப்பட்ட வழக்கறிஞர் ஜாமீனில் விடுதலை

நாமக்கல் மாவட்டம், மோகனூா் வட்டம், ஒருவந்தூா் நீரேற்று பாசன சங்கத்தின் தலைவராக வழக்குரைஞா் செல்ல.ராசாமணி பதவி வகித்தபோது, அங்கிருந்த 16 தேக்கு மரங்களை வெட்டி விற்பனை செய்ததாக, மோகனூா் போலீசார் வழக்குப்பதிவு செய்து கடந்த  வெள்ளிக்கிழமை அவரை கைது செய்தனா். இதைத் தொடா்ந்து, நாமக்கல் 2-ஆவது குற்றவியல் நீதிமன்றத்தில் ஆஜா்படுத்தப்பட்ட அவா் சேலம் மத்திய சிறையில் அடைக்கப்பட்டாா். இந்த நிலையில் ஜாமீன் கோரி அதே நீதிமன்றத்தில் செல்ல.ராசாமணி மனுத்தாக்கல் செய்தாா். அவருக்கு நீதிமன்றம் நேற்று (07.11.2023) நிபந்தனையுடன் கூடிய ஜாமீன் வழங்கியது. அதன்படி, 15 நாள்களுக்கு மோகனூா் காவல் நிலையத்தில் தினசரி காலை 10 மணியளவில் அவா் கையெழுத்திட வேண்டும். நீதிமன்றம் ஜாமீன் வழங்கியதைத் தொடா்ந்து சேலம் மத்திய சிறையில் இருந்து அவா் விடுதலையானாா்.