திண்டுக்கல் - கொசு ஒழிப்பு பணிகள் தீவிரம்

சின்னாளபட்டி பேரூராட்சி பகுதிகளில் கொசு கட்டுப்படுத்துதல், டெங்கு, வைரஸ் பரவலை தடுக்கும் பணிகள் முடுக்கி விடப்பட்டுள்ளன. மக்கள் நடமாட்டம் அதிகமுள்ள இடங்களில் போக்கிங் இயந்திரம் மூலம் கொசு ஒழிப்பு புகை மருந்து தெளிக்கப்பட்டது. தண்ணீர் தேங்கும் பகுதிகளில் கொசு முட்டை ஒழிப்பு, பிளீச்சிங் பவுடர் துாவுதல் உள்ளிட்ட தொற்று தடுப்பு பணிகள் நடக்கிறது. செயல் அலுவலர் செல்வராஜ் கூறுகையில்,''சமீபத்திய மழையால் தொற்று பாதிப்பு அதிகரிக்க வாய்ப்புள்ளது. கொசு ஒழிப்பு , வைரஸ் தடுப்பு நடவடிக்கைகள் முடுக்கி விடப்பட்டுள்ளன. குடியிருப்புகள் மட்டுமின்றி தினசரி மார்க்கெட், வணிக நிறுவனங்கள், வங்கிகள் உள்ளிட்ட பகுதிகளுக்கு முன்னுரிமை அளிக்கப்படுகிறது ''என்றார்.