புதுக்கோட்டையில் முளைப்பாரி ஊர்வலம்

புதுக்கோட்டை ஸ்ரீ ஆஞ்சனேயர் கோயிலில் ஸ்ரீ மஹா வாராஹி தேவி அம்மன் பிரதிஷ்டை ஸம்ப்ரோஷ்ணம் வைபவம் மற்றும் பெண்கள் முளைப்பாரி எடுத்து வரும் வழிபாடு நடைபெற்றது.புதுக்கோட்டை தெற்கு 4ஆம் வீதி பெரிய மார்க்கெட் சந்திப்பிலுள்ள இந்து சமய அறநிலையத் துறையின் கட்டுப்பாட்டிலுள்ள ஆஞ்சனேயர் திருக்கோயிலில் ஸ்ரீ மஹா வாராஹி தேவி அம்மன் பிரதிஷ்டை ஸம்ப்ரோஷ்ணம் வைபவ விழா நடைபெற்றது. இதையொட்டி ஏராளமான பெண் பக்தர்கள் முளைப்பாரி எடுத்து ஊர்வலமாக வந்து வராஹிதேவி அம்மனை வழிபட்டனர். தொடர்ந்து பிரசாதம் அனைவருக்கும் வழங்கப்பட்டது. இதற்கான ஏற்பாடுகளை அனுமன் திருச்சபையினர் செய்திருந்தனர்.