ஓமலூர் : ரூ.1.70 லட்சத்திற்கு தேங்காய் கொப்பரை ஏலம்

சேலம் மாவட்டம் ஓமலூர் கோட்டை மாரியம்மன் கோவில் ஊராட்சி மேச்சேரி பிரிவு ரோடு பகுதியில் வேளாண் ஒழுங்குமுறை விற்பனை கூடத்தில் நேற்று கொப்பரை தேங்காய் பருப்பு ஏலம் நடந்தது. ஓமலூர் ஒழுங்குமுறை விற்பனைக்கூடத்திற்கு 52 மூட்டை கொப்பரை தேங்காய் விற்பனைக்கு வந்தது. இதில் 9 விவசாயிகள் விற்பனைக்காக கொப்பரை தேங்காய் கொண்டு வந்தனர். ஏலத்தில் வியாபாரிகள் கலந்து கொண்டு தேங்காய் பருப்புகளை பார்வையிட்டு ஏலம் எடுத்தனர். அதிகபட்ச விலையாக 87.99 ரூபாயும், குறைந்தபட்ச விலையாக 66.99-க்கும் ஏலம் போனது. நேற்று மட்டும் ரூ.1 லட்சத்து 70 ஆயிரத்து 71-க்கு கொப்பரை தேங்காய் ஏலம் போனதாக வேளாண் விற்பனை கூட கண்காணிப்பாளர் ஆனந்தி தெரிவித்தார்.