செவாலியர் அகாடமியில் சாரண, சாரணியர் தினவிழா

சாரண சாரணிய இயக்கத்தை துவக்கிய பேடன் பவுலின் பிறந்த நாளை முன்னிட்டு திண்டுக்கல் செவாலியர் அகாடமி மேல்நிலைப் பள்ளியில் சாரண சாரணியர் தின விழா நடந்தது. விழாவை பள்ளி தாளாளர் அருட்தந்தை ஆரோக்கிய பிரபு துவக்கி வைத்தார். அருட் தந்தையர்கள் பிரிட்டோ, பிரான்சிஸ் பாபு, தேவன் உட்பட பலர் பங்கேற்றனர். பள்ளி முதல்வர் ரோஸ்லின் தலைமை வகித்தார். துணை முதல்வர் ஞானசீலா முன்னிலை வைத்தார். சாரண சாரணியர் பொறுப்பு ஆசிரியர் பிரசாந்த் அனைவரையும் வரவேற்றார். மாணவ மாணவிகளுக்கு கவிதை ,கட்டுரை, ஓவியம், பாட்டு, வினாடி வினா போட்டிகள் நடந்தன. முதல் மூன்று இடங்களை பிடித்த மாணவ மாணவிகளுக்கு பரிசுகள் வழங்கப்பட்டன.