சமூக நீதிக் கூட்டமைப்பு சார்பில் தொடர் முழக்க ஆர்ப்பாட்டம்

நாமக்கல் மாவட்டம் பள்ளிபாளையம் பேருந்து நிலையம் அருகே, காவேரி நதிநீர் உரிமையை தமிழ்நாட்டிற்கு பெற்று தராத ஒன்றிய அரசை கண்டித்து, சமூக நீதிக் கூட்டமைப்பு சார்பில் மாபெரும் தொடர் முழக்க ஆர்ப்பாட்டமானது காலை துவங்கி மாலை வரை நடைபெற்றது.. இந்த நிகழ்விற்கு இடதுசாரி சிந்தனையாளர் நடுவோம் பெ.ராஜாராம், மதிமுக நகரச் செயலாளர் ரமேஷ் உள்ளிட்டோர் தலைமை தாங்கினார். மேலும் இந்த நிகழ்வில் மறுமலர்ச்சி திமுக, புரட்சிகர இளைஞர் முன்னணி ,லோக் ஜனசக்தி கட்சி, இந்திய கம்யூனிஸ்ட் கட்சி, ஆதித்தமிழர் பேரவை , இந்திய கம்யூனிஸ்ட் கட்சி,(எம்.எல்) இந்திய கம்யூனிஸ்ட் கட்சி (மார்க்சிஸ்ட்) கம்யூனிஸ்ட் கட்சி, திராவிடர் கழகம், திராவிடர் விடுதலைக் கழகம், விடுதலை சிறுத்தைகள் கட்சி, இடதுசாரிகள் சிந்தனையாளர் நடுவோம், தமிழ் புலிகள் கட்சி, ஆல் இந்தியன் கிசான் சங்கம் மற்றும் சமூக ஆர்வலர்கள் என பல்வேறு அமைப்புகளை சேர்ந்தவர்கள் இந்த நிகழ்வில் பங்கேற்றனர்.... தற்சார்பு விவசாயிகள் சங்க தலைவர் கி.வே.பொன்னையன் சிறப்புரையாற்றினார் . ஈரோடு நாடாளுமன்ற உறுப்பினர் அ.கணேசன் மூர்த்தி நிறைவு உரை ஆற்றினார். இதில் ஒன்றிய அரசு தமிழக காவிரி உரிமையை பெற்றுக் கொடுக்க வேண்டும், ஆண்டுக்கு 25 டிஎம்சி தண்ணீரை பெற்றுக் கொடுக்க வேண்டும் ,ஒன்றிய அரசு தமிழக மக்களை வஞ்சிக்கும் போக்கை கைவிட வேண்டும், காவிரி நதி நீர் உரிமையை தமிழ்நாட்டிற்கு பெற்றுத் தர வேண்டும் என உள்ளிட்ட பல்வேறு கோரிக்கைகள் அடங்கிய கோஷங்களை சமூக நீதிக் கூட்டமைப்பினர் ஆர்ப்பாட்டத்தில் எழுப்பினர்.ஏராளமானோர் இந்த நிகழ்வில் பங்கேற்றனர்.