ரயில்களில் பட்டாசுகள் கொண்டு செல்வதை தடுக்க தனிப்படை.

கோவை மார்க்கமாக பல்வேறு இடங்களுக்கு ரயில்கள் இயக்கபடுகிறது.தற்போது தீபாவளியை முன்னிட்டு கோவையில் பணிபுரிந்து வரும் மக்கள் தங்களது சொந்த ஊர்களுக்கு ரயில்கள் மூலம் பயணம் மேற்கொண்டு வருகின்றனர்.இதன் காரணமாக கோவை ரயில் நிலையத்தில் கூட்டம் நிரம்பி வழிகிறது.

இந்நிலையில் ரயில்வே கண்காணிப்பாளர் சுகுணாசிங் உத்தரவின் பேரில் டி.எஸ்.பி யாஸ்மின் அவர்களின் மேற்பார்வையில் ஏராளமான போலீசார் பாதுகாப்பு பணியில் ஈடுபட்டுள்ளனர். தடுப்புகள் அமைக்கபட்டு ரயில் நிலையம் வரும் பயணிகள் தீவிர சோதனைக்கு பின்னரே நிலையத்திற்குள் அனுமதிக்கபடுகின்றனர்.மேலும் ரயிலில் பட்டாசுகள் கொண்டு செல்வதை தடுக்க தனிப்படை அமைக்கப்பட்டு கண்காணிக்கப்பட்டு வருகிறது.