சேத்துப்பட்டு, பெரிய கொழப்பலூரில் பழங்குடியினர் தின விழா

சேத்துப்பட்டு பெரிய கொழப்பலூரில் பழங்குடியினர் தின விழா நடைபெற்றது. சேத்துப்பட்டு காமராஜர் சிலை, பெரிய கொழப்பலூர் பஜார் வீதி ஆகிய இடங்களில் நடைபெற்ற பழங்குடியினர் தின விழாவிற்கு ட்ரையில் பவுண்டேசன் ஒருங்கிணைப்பாளர் பழனி தலைமை தாங்கினார். சேத்துப்பட்டு கிளை செயலாளர் சின்னராஜ், ராமசாமி, மாரிமுத்து, முனியன் ஆகியோர் முன்னிலை வகித்தனர். சுதந்திர போராட்ட வீரர் பிர்சா முண்டாவின் திரு உருவ படத்திற்கு ட்ரைபில் பவுண்டேசன் ஒருங்கிணைப்பாளர் பழனி மாலை அணிவித்து மலர் தூவி மரியாதை செலுத்தி பொது மக்களுக்கு இனிப்பு வழங்கினார். காட்டு நாயக்கர்  பழங்குடி மக்கள் சங்கத்தின் மாநில பொதுச் செயலாளர் அய்யனார், தமிழ்நாடு மலைவாழ் மக்கள் சங்கத்தின் சேத்துப்பட்டு கிளை தலைவர் சின்னராஜ், ஆகியோர் சிறப்புரையாற்றினர். நிகழ்ச்சியில் நிர்வாகிகள் கலந்து கொண்டனர்.