ஈழ விடுதலைப் போரில் வீர மரணம் எய்தியவர்களுக்கு அஞ்சலி

கரூர் மாவட்டம், அரவக்குறிச்சி வட்டம், சின்னதாராபுரம் பகுதியில், தோழர் களம் தமிழ்நாடு சார்பில் தமிழீழ விடுதலைப் போரில் வீரமரணம் அடைந்த போராளிகளுக்கு அஞ்சலி செலுத்தும் வகையில் "மாவீரர் நாள்" அனுசரிக்கப்பட்டது. .தோழர்களம் தமிழ்நாடு அமைப்பின் நிறுவனத்தலைவர் தி.க.சண்முகம் தலைமையில் நடைபெற்ற இந்நிகழ்வில், மாநில அவைத்தலைவர் இரா.ராஜகோபால், மாநில செயற்குழு ஆலோசகர் ராம்ஜி(எ) தொல்காப்பியன், தலித் விடுதலை இயக்க பொறுப்பாளர் கராத்தே.ஏ.கே.நிசோக்ராஜா ஆகியோர் முன்னிலை வகித்தனர். தலைமைநிலைய செயலாளர் தமிழன் சு.கவின்குமார் வரவேற்புரை நிகழ்த்திய இந்நிகழ்வில், சிறப்பு அழைப்பாளராக கரூர் மாவட்ட தமிழ் உணர்வார்கள் கூட்டமைப்பின்‌ தலைவர் வழக்கறிஞர் தமிழ்ராஜேந்திரன், தமிழ் பற்றாளர் தமிழ்செல்வி ஆகியோர் கலந்து கொண்டு வீரவணக்க உரை ஆற்றினார். இந்நிகழ்வின் இறுதியில் ந.மணியன் நன்றி கூறினார்.இதில் பிரவீன், கோபாலகிருஷ்ணன், அன்பு,ராஜா மற்றும் பொதுமக்கள் பலர் கலந்து கொண்டனர்.