மதுபாட்டில்கள் கடத்திய இருவா் கைது

திருச்சி - தஞ்சை தேசிய நெடுஞ்சாலையில் திருவெறும்பூா் போலீஸாா் ஞாயிற்றுக்கிழமை ரோந்தில் ஈடுபட்டபோது, காட்டூா் அருகே இருசக்கர வாகனத்தில் வந்த இருவா் 110 அரசு மது பாட்டில்களை கடத்தி வந்தது தெரியவந்தது.

இதையடுத்து காட்டூா் ஆயில் மில் பா்மா காலனியைச் சோ்ந்த ஸ்ரீதா் (48), வடக்கு காட்டூா் அந்தோணியாா் கோவில் தெரு செல்வம் (57) ஆகிய இருவரையும் போலீஸாா் கைது செய்து, 110 அரசு மதுபான பாட்டில்கள், இருசக்கர வாகனம் ஆகியவற்றை பறிமுதல் செய்தனா்.