சாலையோரம் நின்றவர் மீது டூ வீலர் மோதி விபத்து - ஒருவர் படுகாயம்.

கரூர் மாவட்டம், அரவக்குறிச்சி தாலுக்கா, மூலப்பட்டி அருகே உள்ள கருவேடம்பட்டி பகுதியைச் சேர்ந்தவர் அன்பழகன்  (40). இவர் நவம்பர் 11 ஆம் தேதி காலை 8 மணி அளவில் கரூர்- திண்டுக்கல் சாலையில் உள்ள மலைக்கோவிலூர், சென்ட்ரல் பேங்க் எதிரே சாலையோரம் நின்று கொண்டு இருந்தார். அப்போது அதே சாலையில்  யமாகா ஆர் 15 வாகனத்தை வேகமாக  ஓட்டி வந்த நபர், நின்று கொண்டு இருந்த அன்பழகன் மீது மோதியதில்  விபத்து ஏற்பட்டது. இந்த விபத்தில் அன்பழகனுக்கு தலை, வலது முழங்கையில் பலத்த காயம் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கரூரில் உள்ள தனியார் மருத்துவமனையில் சிகிச்சைக்காக அனுமதித்தனர். இதுகுறித்து அன்பழகன் மனைவி அழகுவள்ளி அளித்த புகாரின் பேரில் அரவக்குறிச்சி காவல்துறையினர்  வழக்குப்பதிவு செய்து விசாரிக்கின்றனர்.