சிவகங்கை மாவட்டத்தில் பரவலான கனமழை - விவசாயிகள் மகிழ்ச்சி

பருவமழை காரணமாக சிவகங்கை மாவட்டத்தில் கடந்த சில நாட்களாக கனமழை பெய்து வரும் நிலையில் விவசாயிகள் மகிழ்ச்சியடைந்துள்ளனர். இந்நிலையில் சிவகங்கை மாவட்டத்தில் கடந்த 24 மணி நேரத்தில் சிவகங்கையில் 30 மி.மீட்டரும் மானாமதுரையில் 36 மி.மீட்டரும், இளையான்குடியில் 30 மி.மீட்டரும், திருப்புவனத்தில் 77.20 மி.மீட்டரும், திருப்பத்தூரில் 5.50 மி.மீட்டரும், காரைக்குடியில் 5.20 மி.மீட்டரும், தேவகோட்டை 39.80 மி.மீட்டரும், காளையார்கோவிலில் 48.40 மி.மீட்டரும், மாவட்டத்தில் மொத்தமாக 272.10 மி.மீட்டரும், சராசரியாக 30.23 மி.மீட்டரும் மழை பதிவாகியுள்ளதாக மாவட்ட நிர்வாகம் சார்பில் தெரிவிக்கப்பட்டுள்ளது