சிவன் ஆலயங்களில் பிரதோஷ சிறப்பு பூஜை

சேலம் மாவட்டம், சங்ககிரி மலையடிவாரம் பகுதியில் உள்ள அருள்மிகு சௌந்தரநாயகி உடனமர் சோமேஸ்வரர் கோவிலில் பிரதோஷ சிறப்பு பூஜைகள் நடைபெற்றது. பிரதோஷத்தையொட்டி அருள்மிகு சௌந்தரநாயகி உடனமர் சோமேஸ்வரர் சுவாமிக்கு சிறப்பு அபிஷேக,அலங்கராம் செய்யப்பட்டு பூஜைகள் நடைபெற்றது. பின்னர் உற்சவ மூர்த்தி சுவாமிகளுக்கும், நந்திபகவானுக்கும் சந்தனம், திருமஞ்சனம், பால், தயிர், இளநீர், பன்னீர் உள்ளிட்ட பல்வேறு திரவியங்களை கொண்டு சிறப்பு அபிஷேகங்கள், அலங்காரங்கள் செய்யப்பட்டு பூஜைகள் நடைபெற்றது . இதில் ஏராளமான பக்தர்கள் கலந்து கொண்டு சுவாமிகளை வழிப்பட்டுச் சென்றனர்.