ரூ.76,000 நெருங்கும் தங்கம் விலை.. ஒரே நாளில் அதிரடியாக ரூ.520 உயர்வு!!

உலகளவில் தங்கம் சிறந்த சேமிப்பாகவும், சிறந்த முதலீடாகவும் பார்க்கப்படுவதால் இந்தியாவில் தங்கத்தில் முதலீடு செய்ய மக்கள் அதிகளவில் ஆர்வம் காட்டி வருகின்றனர். அதற்கேற்ப தங்கம் விலையும் அதிரடியாக ஏற்ற இறக்கங்களை கண்டு வருகிறது. சென்னையில் கடந்த ஆக 21 தங்க விலை அதிரடியாக சவரனுக்கு ரூ.400 உயர்ந்து, ஒரு சவரன் ஆபரணத் தங்கம் ரூ.73,840க்கும், கிராம் ரூ. 9,230க்கு விற்பனை செய்யப்பட்டது. பின்னர் மீண்டும் ஆக.22 ஆபரணத் தங்கம் விலை சவரனுக்கு ரூ.120 குறைந்து ஒரு சவரன் ரூ.73,840க்கும், கிராமுக்கு 15 ரூபாய் குறைந்து ஒரு கிராம் ரூ.9,215க்கு விற்பனையானது. தொடர்ந்து ஆக. 23 அன்று சென்னையில் தங்கம் விலை அதிரடியாக சவரனுக்கு ரூ.800 உயர்ந்து, ஒரு பவுன் மீண்டும் 74 ஆயிரத்தை தாண்டி ஒரு சவரன் ரூ.74,520க்கும், ஒரு கிராம் ரூ.9,315க்கு விற்பனையானது. அன்றைய தினம் வெள்ளி விலை அதிரடியாக உயர்ந்து ஒரு கிராம் ரூ.130 என்கிற புதிய உச்சத்தை தொட்டது. பின்னர் ஆக.26 அன்று சவரனுக்கு 400 ரூபாயும், ஆக.27ம் தேதி மீண்டும் 280 ரூபாயும் உயர்ந்து சவரன் 75 ஆயிரத்தை தாண்டியது. பின்னர் நேற்றைய தினம் (ஆக.28) சவரனுக்கு ரூ.120 உயர்ந்து ஒரு சவரன் ரூ.75,240 க்கும் ஒரு கிராம் 9,405 ரூபாய்க்கு விற்பனையாகிறது. இந்நிலையில் இன்று தங்கம் விலை அதிரடியாக ஒரே நாளில் சவரனுக்கு ரூ.520 உயர்ந்து, ஆபரணத்தங்கம் சவரன் ரூ.76ஆயிரத்தை தாண்டியுள்ளது. சென்னையில் 22 கேரட் ஆபரணத்தங்கம் ஒரு சவரன் ரூ. 75,760க்கும், ஒரு கிராம் தங்கம் ரூ.9,470க்கும் விற்பனையாகிறது. அதேநேரம் சில்லறை விற்பனையில் வெள்ளி விலை 1 ரூபாய் உயர்ந்து ஒரு கிராம் ரூ.131க்கு விற்பனை செய்யப்படுகிறது.