கோழி வளர்ப்பதில் தகராறு... 2 பேர் மீது வழக்கு

சேலம் அஸ்தம்பட்டி மூணாவது கிராஸ் பகுதியை சேர்ந்தவர் குமார்; இவரது மனைவி கோமதி (40). இவர்களது பக்கத்து வீட்டில் வசித்து வருபவர் சிவக்குமார் (32). இவரது மனைவிக்கும் கோமதிக்கும் கோழி வளர்ப்பது தொடர்பாக அடிக்கடி தகராறு ஏற்பட்டுள்ளது. இது தொடர்பாக மீண்டும் ஏற்பட்ட தகராறின் போது சிவகுமார் மற்றும் கள்ளிக்காட்டை சேர்ந்த சிவபெருமாள் (40) ஆகியோர், கோமதியின் கணவர் குமாரை தாக்கினர். இதில் அவருக்கு படுகாயம் ஏற்பட்டது. இது பற்றி அஸ்தம்பட்டி போலீசில் அளித்த புகாரின் பேரில் சிவக்குமார், சிவபெருமாள் ஆகியோர் மீது போலீசார் வழக்கு பதிவு செய்து விசாரணை நடத்தி வருகின்றனர்.