டாஸ்மாக் கடையில் மிரட்டல்

தூத்துக்குடி சிவந்தாகுளம் பகுதியில் உள்ள டாஸ்மாக் கடையில் சம்பவத்தன்று குடோனில் இருந்து லாரி மூலம் மதுபான பெட்டிகள் கொண்டு வரப்பட்டன. கடை முன்பு லாரியை நிறுத்தி சுமைதூக்கும் தொழிலாளிகள் மதுபான பெட்டிகளை இறக்கி கொண்டு இருந்தனர்.

அப்போது, அங்கு வந்த மர்ம நபர்கள் 2 பேர் பீர் பாட்டில் அடங்கிய பெட்டியை பறித்துக் கொண்டு, தப்பி சென்றனர். இந்த சம்பவம் அந்த பகுதியில் இருந்த கண்காணிப்பு கேமிராவில் பதிவாகி இருந்தது. இது தொடர்பாக தென்பாகம் போலீசார் வழக்குப் பதிந்து விசாரணை நடத்தி ஜார்ஜ் ரோடு, கணேச புரத்தைச் சேர்ந்த முருகவேல் மகன் விக்னேஷ் (27), அமுதா நகரைச் சேர்ந்த முருகன் மகன் மாரிமுத்து 20 ஆகிய 2பேரை கைது செய்தனர்.