வந்துவிட்டது 5.5ஜி... !!

தற்போது 5ஜி சேவை உலகம் முழுக்க சென்றடைந்திருக்கும் சூழலில், இன்னும் சில நகரங்கள் 5ஜியை பெற காத்திருக்கின்றன. இந்நிலையில், தற்போது 5.5ஜி நெட்வோர்க் சீனா அறிமுகப்படுத்தியுள்ளது.

5.5ஜி சேவை என்பது 5ஜி சேவையின் அடுத்த வெற்ஷனாகும். இதனை 5ஜி-Advanced அல்லது 5GA என்றும் அழைக்கிறார்கள். அதாவது 4ஜி சேவைக்கு பிறகு 4ஜி-Advanced அல்லது 4G LTE என்பதை போல்தான் இதுவும்... இதில் இணைய வேகமும், இணைப்பும் மேம்படும் என கூறப்படுகிறது. 5ஜி மற்றும் 5.5ஜி என்பது முற்றிலும் வேறான நெட்வொர்க் இல்லை. சற்றே மேம்படுத்தப்பட்ட வெர்ஷன்தான் 5.5ஜி. 5.5ஜி நெட்வொர்க் 10Gbps பதிவிறக்கம் வேகமும், 1Gbps பதிவேற்ற வேகத்தை வழங்க முடியும்.இது நெட்வொர்க் தாமதம், நம்பகமான இணைப்பு மற்றும் பேட்டரி நுகர்வு போன்ற பிரச்னைகளை குறைக்கும் எனவும் கூறப்படுகிறது.