கரூர் லோட்டஸ் கிட்ஸ் மாண்டஸ்சரி பள்ளியில் பட்டமளிப்பு விழா

 கரூரில் செயல்படும் லோட்டஸ் கிட்ஸ் மாண்டஸ்சரி பள்ளியின் சார்பாக 15-வது திறமைகள் நாள் மற்றும் பட்டமளிப்பு நாள் தின விழா, கரூர் -கோவை சாலையில் உள்ள கொங்கு திருமண மண்டபத்தில் திருக்குறள் பேரவை பொதுச் செயலாளர் மேலை. பழனியப்பன் தலைமையில் நடைபெற்றது.

இந்த நிகழ்ச்சியில் சிறப்பு விருந்தினராக பள்ளியின் நிறுவனர் சுந்தர்ராஜ் கலந்து கொண்டார். பள்ளியின் முதல்வர் சாரதா சுந்தராஜ் கலந்து கொண்டு அனைவரையும் வரவேற்றார். இந்த நிகழ்ச்சியில், இந்தப் பள்ளியில் பணிபுரியும் இருபால் ஆசிரியர்கள், மாணவ மாணவியர், அவர்தம் பெற்றோர் என ஏராளமானோர் கலந்து கொண்டனர்.

பல்வேறு நிகழ்ச்சிகள் மாணாக்கர்களின் சார்பில் நடைபெற்றது. இதில் பங்கேற்ற மாணவர்கள் தங்களது திறமைகளை வெளிப்படுத்தும் வகையில் திறம்பட செயல்பட்டனர்.

மேலும், அலங்கரிக்கப்பட்ட மேடையில், இயற்கை காட்சிகளின் பின்னணியில் பல்வேறு பாடல்களுக்கு நடனமாடி அனைவரையும் மகிழ்வித்தனர்.