தமிழ்நாடு அமெச்சூர் சிலம்பம் நடத்திய மாநில அளவிலான மினி சப்ஜூனியர், சீனியர் சிலம்பம் சாம்பியன்ஷிப் போட்டிகள் கோவையில் நடந்தது. இதில் சேலம் மாவட்ட சிலம்பம் அடிமுறை சங்கம் சார்பில் மாணவ மாணவிகள் கலந்து கொண்டு 12 தங்கம், 15 வெள்ளி, 17 வெண்கல பதக்கங்கள் பெற்று சாதனை படைத்துள்ளனர். சாதனை மாணவ மாணவிகளை சேலம் மாவட்ட சிலம்பம் அடிமுறை சங்க தலைவர் கே.கே.பவித்ரா ராஜா, துணைத்தலைவர் எஸ்.சோலைமுத்து, இந்தியன் ஸ்போர்ட்ஸ் அகாடமி இயக்குனர் ஆர்.சுதாகர், செயலாளர் எஸ்.ஜீவா, சதீஷ் உள்பட பலர் வாழ்த்தினர்.