துப்பாக்கி சுடும் போட்டி: சேலம் மாநகர போலீஸ் கமிஷனர் பிரவீன்குமார் அபிநபு முதலிடம்

போலீஸ் உயர் அதிகாரிகளுக்கு ஒவ்வொரு ஆண்டும் துப்பாக்கி சுடும் போட்டி நடத்தப்படுவது வழக்கம். இந்தாண்டு சேலம் மேற்கு மண்டல போலீஸ் அதிகாரிகளுக்கான துப்பாக்கி சுடும் போட்டி சூரமங்கலம் நகரமலை அடிவாரத்தில் மாநகர துப்பாக்கி சுடும் மையத்தில் நேற்று முன்தினம் தொடங்கியது. சேலம் மாவட்ட போலீஸ் சூப்பிரண்டு அருண்கபிலன் தொடங்கி வைத்தார். முதல் நாள் போலீஸ் துணை சூப்பிரண்டுகளுக்கான போட்டி நடைபெற்றது. 2-ம் நாளான நேற்று போலீஸ் ஐ.ஜி.க்கள், டி.ஐ.ஜி.க்கள், சூப்பிரண்டுகளுக்கான இன்சாஸ், ரிவால்வர், பிஸ்டல் ஆகிய 3 வகையான துப்பாக்கி சுடும் போட்டிகள் நடந்தன. இதில் சேலம் மாநகர போலீஸ் கமிஷனர் பிரவீன் குமார் அபிநபு முதல் பரிசு பெற்றார். அவருக்கு போலீஸ் டி.ஐ.ஜி. உமா பரிசு வழங்கினார்.