ஒத்தக்கடை அருகே நடந்து சென்ற பெண் மீது அடையாளம் தெரியாத டூவீலர் மோதி விபத்து.

ஒத்தக்கடை அருகே நடந்து சென்ற பெண் மீது அடையாளம் தெரியாத டூவீலர் மோதி விபத்து. கரூர் மாவட்டம், செங்குந்தர் நகர், அருகே உள்ள எல்ஜி பி நகர் பகுதியைச் சேர்ந்தவர் சந்திரசேகரன் மனைவி சத்யா வயது 39. இவர் ஆகஸ்ட் 1-ம் தேதி இரவு 8 மணி அளவில் நெரூர்- கரூர் சாலையில் நடந்து சென்று கொண்டிருந்தார். அப்போது, ஒத்தக்கடை ஸ்ரீ துர்கா ஹாலோ பிரிக்ஸ் கடை அருகே நடந்து சென்ற போது, எதிர் திசையில் வேகமாக வந்த அடையாளம் தெரியாத டூவீலர் ஒன்று, நடந்து சென்ற சத்தியா மீது மோதிவிட்டு, நிற்காமல் மின்னல் வேகத்தில் சென்று விட்டது. இந்த விபத்தில் வலது கால், இடது கால் முட்டி உள்ளிட்ட பகுதிகளில் பலத்த காயங்கள் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கோவையில் உள்ள கங்கா மருத்துவமனையில் சிகிச்சைக்காக அனுமதிக்கப்பட்டு பின்னர் வீடு திரும்பி உள்ளார். இந்த சம்பவம் தொடர்பாக சத்யா அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், மோதிவிட்டு நிற்காமல் சென்ற அந்த அடையாளம் தெரியாத வாகனம் எது? அதன் ஓட்டுனர் யார்? என்ற கோணத்தில் வழக்கு பதிவு செய்து விசாரணை மேற்கொண்டு வருகின்றனர் வாங்கல் காவல்துறையினர்.