அர்த்தநாரீசுவரர் கலை அறிவியல் கல்லூரியில் போதைப் பொருட்கள் ஒழிப்பு உறுதிமொழி ஏற்பு

திருச்செங்கோடு அர்த்தநாரீஸ்வரர் கலை அறிவியல் கல்லூரியின் போதை பொருள் எதிர்ப்பு குழு மற்றும் நாட்டு நலப்பணித் திட்டத்தின் சார்பாக போதை பொருளால் ஏற்படும் தீமைகள் குறித்த விழிப்புணர்வு உறுதிமொழி ஏற்கும் நிகழ்வு நடைபெற்றது. இந்நிகழ்வில் கல்லூரியின் செயலாளர் மு. இரமணிகாந்தன் முன்னிலை வகித்தார். நாட்டு நலப்பணி திட்ட அலுவலர் முனைவர் ர. மோகன் வரவேற்புரை வழங்கினார். கல்லூரி முதல்வர் முனைவர் கி. வெங்கடாசலம் தலைமை உரையாற்றினார். மேலும் கல்லூரியின் அனைத்து துறை தலைவர்கள், உதவி பேராசிரியர்கள், மாணவ, மாணவியர்கள் அனைவரும் போதை பொருட்கள் ஒழிப்பு விழிப்புணர்வு உறுதிமொழியினை மேற்கொண்டனர். நிகழ்வின் நிறைவாக போதை பொருள் எதிர்ப்பு குழு ஒருங்கிணைப்பாளர் முனைவர் மா. பாலசுப்பிரமணி அவர்கள் நன்றியுரை நல்கினார்.