போலீஸ் சப்-இன்ஸ்பெக்டரை தாக்கிய வாலிபர் சேலம் கோர்ட்டில் சரண்

சேலம் மாவட்டம் ஆட்டையாம்பட்டி பகுதியை சேர்ந்தவர் பாலகிருஷ்ணன். இவருடைய மனைவி சவுந்தர்யா. சம்பவத்தன்று இவரது வீட்டுக்குள் புகுந்த மர்ம கும்பல் ஒன்று முன்விரோதம் காரணமாக அங்கிருந்த பொருட்களை அடித்து நொறுக்கியது. இதுகுறித்து தகவல் கிடைத்ததும் ஆட்டையாம்பட்டி போலீஸ் சப்-இன்ஸ்பெக்டர் தமிழ்ராஜ் மற்றும் போலீசார் அங்கு விரைந்து சென்றனர். அப்போது அங்கு இருந்த கும்பலை சேர்ந்தவர்கள் சப்-இன்ஸ்பெக்டர் தமிழ்ராஜை தாக்கிவிட்டு தப்பி சென்றனர். இதில் காயமடைந்த அவர் சேலம் அரசு ஆஸ்பத்திரியில் அனுமதிக்கப்பட்டு சிகிச்சை பெற்றார். இந்த சம்பவம் குறித்து 6 பேர் மீது ஆட்டையாம்பட்டி போலீசார் வழக்குப்பதிவு செய்து தேடி வந்தனர். இதற்கிடையில் போலீசாரால் தேடப்பட்ட ஆட்டையாம்பட்டியை சேர்ந்த நவீன் (வயது 28) என்பவர் சேலம் 4-வது ஜூடிசியல் மாஜிஸ்திரேட்டு கோர்ட்டில் நேற்று சரண் அடைந்தார். இதையடுத்து அவரை சிறையில் அடைக்க மாஜிஸ்திரேட்டு உத்தரவிட்டார்.