டெக்ஸ் பார்க் அருகே டூவீலர்கள் மோதல் இருவர் படுகாயம். காவல்துறை வழக்கு பதிவு.

டெக்ஸ் பார்க் அருகே டூவீலர்கள் மோதல் இருவர் படுகாயம்.காவல்துறை வழக்கு பதிவு. கரூர் மாவட்டம், அரவக்குறிச்சி தாலுகா, தடா கோவில் பகுதியை சேர்ந்தவர் தங்கவேல் வயது 43. இவர் ஆகஸ்ட் 20ஆம் தேதி இரவு 7:15- மணி அளவில், கரூர் - திண்டுக்கல் சாலையில் அவரது டூவீலரில் சென்று கொண்டு இருந்தார். இவரது வாகனம் புத்தம்புதூர் டெக்ஸ் பார்க் அருகே சென்றபோது, அதே சாலையில் கரூர் மாவட்டம், மண்மங்கலம் தாலுகா, தாளப்பட்டி அருகே உள்ள மணல்மேடு பகுதியைச் சேர்ந்த பார்த்தசாரதி வயது 52 என்பவர், எலக்ட்ரிக் ஸ்கூட்டரில் பின்னால் வேகமாக வந்து, தங்கவேல் ஓட்டிய டூவீலர் மீது மோதி விபத்து ஏற்பட்டது. இந்த விபத்தில் இருவரும் வாகனத்துடன் கீழே விழுந்ததில் இருவருக்கும் பலத்த காயம் ஏற்பட்டது. இருவரையும் மீட்டு தனியார் ஆம்புலன்ஸ் மூலம் பார்த்தசாரதியை கோவை கங்கா மருத்துவமனையிலும், தங்கவேலுவை மதுரை ராஜாஜி மருத்துவமனையிலும் சிகிச்சைக்காக அனுமதித்தனர். இந்த சம்பவம் தொடர்பாக தங்கவேல் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், டூவீலரை வேகமாகவும், அஜாக்கிரதையாகவும் ஓட்டி விபத்து ஏற்பட காரணமான பார்த்தசாரதி மீது வழக்கு பதிவு செய்துள்ளனர் அரவக்குறிச்சி காவல்துறையினர்.