புதூர் நாடு மலைப்பகுதியில் டிப்பர் லாரி கவிழ்ந்து ஒருவர் உயிரிழப்பு

திருப்பத்தூர் மாவட்டம் புதூர்நாடு மலை சாலை பகுதியில் டிப்பர் லாரி கவிழ்ந்து விபத்து ஒருவர் சம்பவ இடத்திலேயே உயிரிழப்பு! இருவர் காயம்!போலிசார் விசாரணை. திருப்பத்துார் மாவட்டம், ஜவ்வாது மலைக்கு உட்பட்ட புதுார் நாடு மலை கிராமத்தை சேர்ந்தவர் நவீன் குமார்(24) டிப்பர் லாரி டிரைவர். இவர் இன்று கிருஷ்ணகிரி மாவட்டம் பர்கூரில் இருந்து எம் சாண்ட் மணல் லோடு ஏற்றுக்கொண்டு புதுார் நாடு மலை கிராமத்தை நோக்கி சென்று கொண்டிருந்தார். அப்போது டிரைவர் நவீன் குமாருடன் புதுார் நாடு மலை கிராமத்தை சேர்ந்தவர்கள் துக்கன் மகன் அண்ணாமலை(23), நாச்சியப்பன் மகன் அண்ணாமலை(21). இருவரும் சென்றனர். இந்நிலையில் புதுார் நாடு அருகே மொழலை கிராம் அருகே லாரி சென்று கொண்டிருந்தபோது. நேர் எதிரே திருப்பத்துார் நோக்கி வந்த கார் மீது மோதாமல் இருக்க லாரி டிரைவர் பிரேக் பிடித்தார். அப்போது லாரி கட்டுப்பாட்டை இழந்து 15 அடி பள்ளத்தில் கவிழ்ந்த விபத்துக்குள்ளானது. இந்த விபத்தில் துக்கன் மகன் அண்ணாமலை அதே இடத்தில் லாரி இடிபாடுகளில் சிக்சி பலியானார். மேலும் படுகாயமடைந்த லாரி டிரைவர் நவீன் குமார் மற்றும் நாச்சியப்பன் மகன் அண்ணாமலை இருவரும் திருப்பத்துார் அரசு மருத்துவமனையில் சிகிச்சை பெற்று வருகின்றனர். இது குறித்து திருப்பத்துார் கிராஞபோலீசார் வழக்கு பதிவு செய்து விசாரணை நடத்தி வருகின்றனர். எம் சாண்ட் ஏற்றிக்கொண்டு லாரியில் சென்ற வாலிபர் லாரி கவிழ்ந்து உயிரிழந்த சம்பவம் அப்பகுதியில் ஆழ்ந்த சோகத்தை ஏற்படுத்தியுள்ளது...