வாணியம்பாடி அருகே குதிரை மீது தனியார் பள்ளி வாகனம் மோதி குதிரை உயிரிழப்பு

திருப்பத்தூர் மாவட்டம் வாணியம்பாடி அருகே சாலையில் சுற்றித்திரிந்த குதிரை மீது தனியார் பள்ளி வாகனம் மோதி விபத்து, குதிரை உயிரிழப்பு அதிர்ஷ்டவசமாக உயிர்தப்பிய பள்ளி மாணவர்கள்.. திருப்பத்தூர் மாவட்டம் வாணியம்பாடி அடுத்த செட்டியப்பனூர் பகுதியில் உள்ள வாணியம்பாடி - திருப்பத்தூர் சாலையில், 5க்கும் மேற்பட்ட குதிரைகள் சுற்றித்திரிந்த நிலையில், அவ்வழியாக வாணியம்பாடியில் உள்ள தனியார் பள்ளி வாகனம் (சிகரம் மெட்ரிக் மேல்நிலைப்பள்ளி) பள்ளி முடித்து விட்டு மாணவர்களை அழைத்துச்சென்ற போது, பள்ளி வாகனம் சாலையில் சுற்றித்திரிந்த குதிரை மீது மோதியுள்ளது, இதில் ஒரு குதிரை சம்பவ இடத்திலேயே பரிதாபமாக உயிரிழந்த நிலையில், வாகனத்தில் இருந்த மாணவர்கள் அதிர்ஷ்டவசமாக உயிர்தப்பிய நிலையில், பள்ளி வாகனம் முற்றிலும் சேதமடைந்தது, இதனை தொடர்ந்து இவ்விபத்து குறித்து வாணியம்பாடி கிராமிய காவல்துறையினர் விசாரணை மேற்க்கொண்டு வருகின்றனர்..