உடுமலையில் திருமாவளவன் பிறந்தநாள் கொண்டாட்டம்

திருப்பூர் உடுமலையில் சிதம்பரம் நாடாளுமன்ற உறுப்பினறும் விடுதலை சிறுத்தைகள் கட்சியின் தலைவருமான தொல்.திருமாவளவனின் 62 வது பிறந்த நாள் விழாவை முன்னிட்டு விடுதலை சிறுத்தைகள் கட்சியின் உடுமலை நகரம் சார்பாக கொடியேற்றும் விழா மற்றும் பள்ளி கல்லூரி மாணவ மாணவிகளுக்கு பாட புத்தகங்கள் வழங்கும் விழா உடுமலை யு.எஸ்.எஸ் காலனியில் நடைபெற்றது. வி.சி.க. உடுமலை நகர பொருப்பாளர் பொன் சக்திவேல் தலைமையில் நடைபெற்ற இந்நிகழ்வில் ஈரோடு திருப்பூர் மண்டல துணைச்செயலாளர் ஜல்லிபட்டி மா. முருகன் ,இல.கோபிநாத் அ.கிப்டன் டேவிட்பால் உள்ளிட்டோர் கலந்து கொண்டு கட்சி கொடியேற்றி குழந்தைகளுக்கு இனிப்பு மற்றும் நோட்டு புத்தகங்களை வழங்கினர்இந்நிகழ்வில் சிறப்பு அழைப்பாளராக இமானுவேல், அருண் குமார், பல ராஜசேகரன், காளிமுத்து, மாரிமுத்து, ரவிக்குமார், வீராச்சாமி, மகளிர் இயக்கத்தை சேர்ந்த மணிமேகலை, கிருஷ்ணவேனி , செல்வி உள்ளிட்டோர் கலந்து கொண்டனர்.