வேடிச்சிபாளையம் அருகே டூவீலர்கள் நேருக்கு நேர் மோதல். கணவன், மனைவி, குழந்தை படுகாயம்.

வேடிச்சிபாளையம் அருகே டூவீலர்கள் நேருக்கு நேர் மோதல். கணவன், மனைவி, குழந்தை படுகாயம். கரூர் மாவட்டம், நெரூர் அருகே காட்டுக்குளம் பகுதியைச் சேர்ந்தவர் பொன்னுச்சாமி மகன் சதீஷ்குமார் வயது 38. இவரது மனைவி பவித்ரா வயது 31. இவர்களது மகன் கிருத்திக் வயது 2. இவர்கள் மூன்று பேரும், இவர்களது டூவீலரில், அக்டோபர் 31ஆம் தேதி மாலை 5:30-மணி அளவில் காட்டு பிள்ளையார் கோவிலில் இருந்து வேடிச்சிபாளையம் செல்லும் சாலையில் சென்று கொண்டு இருந்தனர். இவர்களது வாகனம் வேடிச்சிபாளையம் அரசு மேல்நிலைப்பள்ளி அருகே வந்தபோது எதிர் திசையில், வேடிச்சிபாளையம், ஒத்தக்கடை, அரசு பள்ளி பின்புறம் வசித்து வரும் பிச்சமுத்து மகன் கருப்பண்ணன் வயது 40 என்பவர் வேகமாக ஓட்டி வந்த மற்றொரு டூவீலர், சதீஷ்குமார் ஓட்டிச் சென்ற டூவீலர் உடன் நேருக்கு நேர் மோதி விபத்து ஏற்பட்டது. இதில் இரண்டு வாகனங்களும் கீழே விழுந்து விபத்து ஏற்பட்டது. இந்த விபத்தில் சதீஷ்குமார், பவித்ரா, கிருத்திக் மற்றும் கருப்பண்ணன் ஆகிய நான்கு பேருக்கும் பலத்த காயம் ஏற்பட்டது. உடனடியாக அனைவரையும் மேட்டு கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இதில் சதீஷ்குமாரை மேல் சிகிச்சைக்காக கோவை அரசு மருத்துவக் கல்லூரி மருத்துவமனைக்கு அனுப்பி வைத்தனர். இந்த சம்பவ தொடர்பாக சதீஷ்குமாரின் உறவினர் நெரூர் பகுதியைச் சேர்ந்த சுரேஷ் வயது 30 என்பவர் அளித்த புகாரில், சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக டூவீலரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய கருப்பண்ணன் மீது வழக்கு பதிவு செய்துள்ளனர் வாங்கல் காவல்துறையினர்.