நெல்லையில் காவலர்களுக்கு சிறப்பு சித்த மருத்துவ முகாம்

நெல்லை அரசு சித்த மருத்துவக் கல்லூரி பொது மருத்துவ துறை சார்பில் மாநகர ஆயுதப்படை மைதானத்தில் ஆயுதப்படை காவலர்களுக்கான சிறப்பு சித்த மருத்துவ முகாம் இன்று நடைபெற்றது. கல்லூரி முதல்வர் மலர்விழி, பொது மருத்துவ துறைத்தலைவர் கோமளவல்லி வழிகாட்டுதலின் படி இந்த முகாம் நடைபெற்றது. இந்த முகாமை மாநகர ஆயுதப்படை உதவி ஆணையர் கணேசன் தொடங்கி வைத்தார்.இதில் டாக்டர் சுபாஷ் சந்திரன் குழுவினர் மருத்துவ சிகிச்சை ஆலோசனை வழங்கினர். இதில் ஏராளமான காவலர்கள் கலந்து கொண்டு பயன்பெற்றனர்.