ராமநாதபுரம் பள்ளியில் விளையாட்டு விழா நடைபெற்றது

ராமேஸ்வரம் அமிர்த வித்யாலயம் பள்ளியில் நேற்று விளையாட்டு விழா சிறப்பாக நடைபெற்றது. ராமேஸ்வரம் இராமநாதபுரம் அமிர்த வித்யாலயம் பள்ளிகளின் மேலாளர் பிரம்மச்சாரிணி லட்சுமி அம்மா தலைமையில் விழா துவங்கியது.சிறப்பு விருந்தினராக காவல் துறை துணை கண்காணிப்பாளர் உமாதேவி அவர்கள் கலந்துகொண்டு விளையாட்டு போட்டியில் வெற்றி பெற்ற மாணவ மாணவிகளுக்கு பரிசுகளையும் பதக்கங்களையும் வழங்கி பரிசுகள் வென்ற மாணவ மாணவிகளையும் விளையாட்டில் பள்ளி செய்த சாதனைகளையும் பாராட்டி பேசினார். மாணவ மாணவிகளும் விளையாட்டு போட்டியில் மிகுந்த உற்சாகத்துடன் பங்கேற்று பரிசுகளை பெற்றனர் .பெற்றோர்கள் அனைவரும் கலந்து கொண்டு மாணவ மாணவிகளை ஊக்கப்படுத்தினார்கள். விளையாட்டுத்துறை ஆசிரியர்கள் நிகழ்ச்சியை சிறப்பாக ஏற்பாடு செய்திருந்தனர். இதில் பள்ளியின் முதல்வர்,ஆசிரியர் ஆசிரியைகளும் ஏனைய மாணவ மாணவிகளும் பங்கேற்றனர்.