சீதப்பட்டி காலனி- டூவீலர் மீது கார் மோதி விபத்து. இளைஞர் படுகாயம். காவல்துறை வழக்கு பதிவு.

சீதப்பட்டி காலனி- டூவீலர் மீது கார் மோதி விபத்து. இளைஞர் படுகாயம். கரூர் மாவட்டம், அரவக்குறிச்சி தாலுகா, சீதப்பட்டி காலனி, நேரு நகரை சேர்ந்தவர் கணேசன் மகன் பிரதீப் வயது 24. இவர் நவம்பர் 18ஆம் தேதி இரவு 10:45மணி அளவில், அவரது டூவீலரில் சீத்தப்பட்டி காலனி அருகே சென்று கொண்டிருந்தார். அப்போது அதே சாலையில் வேகமாக வந்த KA 51 MG 3227 என்ற எண் கொண்ட கார், பிரதீப் ஓட்டிச் சென்ற டூவீலரின் பின்னால் மோதி விபத்து ஏற்பட்டது. இந்த விபத்தில் வாகனத்துடன் நிலை தடுமாறி கீழே விழுந்த பிரதிபுக்கு இடது கால் முட்டி, வலது முழங்கால், வலது கண் புருவம் போன்ற பகுதிகளில் பலத்த காயம் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கரூரில் உள்ள ராஜ் ஆர்த்தோ மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக பிரதீப் அளித்த புகாரில், சம்பவ இடத்திற்கு சென்று விசாரணை மேற்கொண்ட காவல்துறையினர், காரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய கார் டிரைவர் மீது வழக்கு பதிவு செய்துள்ளனர் அரவக்குறிச்சி காவல் துறையினர்.