குடகனாறு பாலத்தில் அடையாளம் தெரியாத வாகனம் மோதி வாலிபர் உயிரிழப்பு.

குடகனாறு பாலத்தில் அடையாளம் தெரியாத வாகனம் மோதி வாலிபர் உயிரிழப்பு. கரூர் மாவட்டம், அரவக்குறிச்சி தாலுக்கா, நாகம்பள்ளி கிராம நிர்வாக அலுவலர் சித்ரா வயது 46. நாகம்பள்ளி ஊராட்சி, மலைக்கோவிலூர் பகுதியில் உள்ள குடகனாறு பாலத்தில் நவம்பர் 27ஆம் தேதி நள்ளிரவு 1:30 மணி அளவில் நடந்து சென்ற அடையாளம் தெரியாத 25 வயது முதல் 30 வயது மதிக்கத்தக்க நபர் மீது அடையாளம் தெரியாத வாகனம் மோதி விபத்து ஏற்பட்டது. இந்த விபத்தில் அடையாளம் தெரியாத நபர் சம்பவ இடத்தில் துடி துடித்து உயிரிழந்தார். இதனை அறிந்த அப்பகுதி பொதுமக்கள் கிராம நிர்வாக அலுவலர் சித்ராவுக்கு தகவல் அளித்தனர். தகவலின் பேரில் சம்பவ இடத்திற்கு விரைந்து வந்த சித்ரா, சம்பவத்தை பார்வையிட்ட பிறகு, இது தொடர்பாக அரவக்குறிச்சி காவல்துறையினருக்கு புகார் அளித்தார். புகாரின் பேரில் சம்பவ இடத்திற்கு விரைந்து வந்த காவல்துறையினர், உயிரிழந்த அடையாளம் தெரியாத நபரின் உடலை அடையாளம் காண்பதற்காக கரூர் அரசு மருத்துவக் கல்லூரி மருத்துவமனை சவக்கிடங்கில் இருப்பு வைத்து, இது தொடர்பாக வழக்கு பதிவு செய்து, இறந்தவர் யார்? எந்த ஊரைச் சேர்ந்தவர்? அவரது உறவினர்கள் யார்? அவர் மீது மோதி விட்டு நிற்காமல் சென்ற அந்த வாகனம் எது? அந்த வாகனத்தின் ஓட்டுனர் யார்? என்ற கோணத்தில் விசாரணை மேற்கொண்டு வருகின்றனர் அரவக்குறிச்சி காவல் துறையினர்.