சித்தலவாய் அருகே பெண் ஓட்டிய டூவீலர் மீது இளைஞர் ஓட்டிய டூ வீலர் மோதி விபத்து. பெண் படுகாயம்.

சித்தலவாய் அருகே பெண் ஓட்டிய டூவீலர் மீது இளைஞர் ஓட்டிய டூ வீலர் மோதி விபத்து. பெண் படுகாயம். கரூர் மாவட்டம், கிருஷ்ணராயபுரம் தாலுக்கா, வலையார்பாளையம் பகுதியைச் சேர்ந்தவர் ராஜகோபால் மனைவி மகேஸ்வரி வயது 38. இவர் நவம்பர் 27ஆம் தேதி மதியம் 12 மணியளவில், கரூர் - திருச்சி சாலையில் அவரது டூவீலரில் சென்று கொண்டு இருந்தார். இவரது வாகனம் சித்தலவாய் மைசூர் காபி கடை அருகே சென்றபோது,அதே சாலையில் கரூர் மாவட்டம், வேலாயுதம்பாளையம், காந்தி நகர், இரண்டாவது கிராஸ் பகுதியைச் சேர்ந்த கணேசன் மகன் அக்க்ஷயகுமார் வயது 20 என்பவர் வேகமாக ஓட்டி வந்த ராயல் என்பீல்ட் வாகனம், மகேஸ்வரி ஓட்டிச் சென்ற டூவீலரின் பின்னால் மோதி விபத்து ஏற்பட்டது. இந்த விபத்தில் நிலை தடுமாறி வாகனத்துடன் கீழே விழுந்த மகேஸ்வரிக்கு இடது காலில் பலத்த காயம் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கரூரிலுள்ள ராஜ் ஆர்த்தோ மருத்துவமனையில் சிகிச்சைக்காக அனுமதிக்கப்பட்டார். சம்பவம் தொடர்பாக மகேஸ்வரி அளித்த புகாரின் பேரில் சம்பவ இடத்திற்கு சென்று விசாரணை மேற்கொண்ட காவல்துறையினர், டூவீலரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய அக்க்ஷயகுமார் மீது வழக்கு பதிவு செய்தனர் மாயனூர் காவல்துறையினர்.