மகாதானபுரம் -நடந்து சென்ற பெண் மீது டூவீலர் மோதி விபத்து. பெண் படுகாயம்.

மகாதானபுரம் -நடந்து சென்ற பெண் மீது டூவீலர் மோதி விபத்து. பெண் படுகாயம். கரூர் மாவட்டம், கிருஷ்ணராயபுரம் தாலுகா, மேட்டு மகாதானபுரம் பகுதியைச் சேர்ந்தவர் சுந்தரம் மனைவி கலாவதி வயது 48. இவர் டிசம்பர் 8-ம் தேதி இரவு 7 மணி அளவில், மகாதானபுரத்தில் இருந்து அய்யர்மலை செல்லும் சாலையில் நடந்து சென்று கொண்டிருந்தார். அப்போது அதே சாலையில் மகாதானபுரம் பகுதியை சேர்ந்த சேகர் மகன் ராஜா வயது 40 என்பவர் வேகமாக ஓட்டி வந்த டூ வீலர், நடந்து சென்ற கலாவதி மீது மோதி விபத்து ஏற்பட்டது. இந்த விபத்தில் நிலை தடுமாறி கீழே விழுந்த கலாவதிக்கு வலது கையில் பலத்த காயங்கள் ஏற்பட்டதால் உடனடியாக அவரை மீட்டு தனியார் ஆம்புலன்ஸ் மூலம் கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். சம்பவம் தொடர்பாக கலாவதி அளித்த புகாரின் பேரில் சம்பவ இடத்துக்கு சென்று விசாரணை மேற்கொண்ட காவல்துறையினர் டூவீலரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய ராஜா மீது வழக்கு பதிவு செய்துள்ளனர் லாலாபேட்டை காவல் துறையினர்.