கொரவப்பட்டியில் சாலையோரம் நின்றவர் மீது அடையாளம் தெரியாத வாகனம் மோதி விபத்து. வாலிபர் படுகாயம்.

கொரவப்பட்டியில் சாலையோரம் நின்றவர் மீது அடையாளம் தெரியாத வாகனம் மோதி விபத்து. வாலிபர் படுகாயம். கரூர் மாவட்டம், பசுபதிபாளையம், அம்மன்நகர் பகுதியை சேர்ந்தவர் ராமசாமி வயது 35. இவர் ஜனவரி 20ஆம் தேதி இரவு 11 மணி அளவில், வெள்ளியணை காவல் நிலைய எல்லைக்குட்பட்ட கொரவப்பட்டியில் இருந்து கந்தசாரப்பட்டி செல்லும் சாலையில் மாரியம்மன் கோவில் அருகே நின்று கொண்டு இருந்தார். அப்போது அவ்வழியாக வேகமாக வந்த அடையாளம் தெரியாத நான்கு சக்கர மோட்டார் வாகனம், ராமசாமி மீது மோதி விட்டு நிற்காமல் மின்னல் வேகத்தில் சென்று விட்டது. இதில் நிலை தடுமாறி கீழே விழுந்த ராமசாமிக்கு முன் நெற்றி மற்றும் மார்பு பகுதியில் பலத்த காயங்கள் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். சம்பவம் அறிந்த ராமசாமி மனைவி சீதா வயது 33 என்பவர் அளித்த புகாரில் சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக மோதிவிட்டு நிற்காமல் சென்ற அந்த வாகனம் எது? அதன் ஓட்டுனர் யார்? என்ற கோணத்தில் வழக்கு பதிவு செய்து விசாரணை மேற்கொண்டு வருகின்றனர் வெள்ளியணை காவல்துறையினர்.