வேலன்செட்டியூர்- கணவன் மனைவி சென்ற டூ வீலரை வேகமாக இயக்கியதால் கீழே விழுந்து விபத்து. பெண் படுகாயம்.

வேலன்செட்டியூர்- கணவன் மனைவி சென்ற டூ வீலரை வேகமாக இயக்கியதால் கீழே விழுந்து விபத்து. பெண் படுகாயம். திண்டுக்கல் மாவட்டம், பாலகிருஷ்ணபுரம் அருகே காட்டுமடம் எதிரே உள்ள கிரீன் சிட்டி பகுதியைச் சேர்ந்தவர் சிவஞானம் வயது 63. இவரது மனைவி உமாதேவி வயது 58. இவர்கள் இருவரும் ஜனவரி 21 ஆம் தேதி காலை 9 மணி அளவில், கரூர் - திண்டுக்கல் சாலையில் அவர்களது டூவீலரில் சென்றனர். உமாதேவி டூவீலரை ஓட்டினார்.இவர்களது வாகனம் வேளஞ்செட்டியூர் நயா பெட்ரோல் பங்க் அருகே சர்வீஸ் சாலையில் செல்லும்போது, டூவீலரை வேகமாக இயக்கியதால் வாகனம் கட்டுப்பாட்டை இழந்து கீழே விழுந்து விபத்து ஏற்பட்டது. இந்த விபத்தில் உமாதேவிக்கு தலை, முன் நெற்றி உள்ளிட்ட பகுதிகளில் பலத்த காயம் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் திண்டுக்கல் மாவட்டத்தில் உள்ள வடமலையான் மருத்துவமனையில் சிகிச்சைக்காக அனுமதித்தனர். சம்பவம் தொடர்பாக சிவஞானம் அளித்த புகாரில், சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக டூவீலரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய உமாதேவி மீது வழக்கு பதிவு செய்துள்ளனர் அரவக்குறிச்சி காவல் துறையினர்.