விருதுநகர் சந்தையில் அத்தியாவசிய பொருட்களின் விலை நிலவரம்
*விருதுநகர்சந்தை :பாமாயில், மல்லி, உளுந்தம் பருப்புவிலைகுறைவு :துவரம் பருப்பு, வெள்ளைப் பட்டாணி, முண்டு வத்தல் விலை உயர்வு.;
விருதுநகர்சந்தை :பாமாயில், மல்லி, உளுந்தம் பருப்புவிலைகுறைவு :துவரம் பருப்பு, வெள்ளைப் பட்டாணி, முண்டு வத்தல் விலை உயர்வு. விருதுநகர் சந்தையில் பாமாயில், மல்லி, உளுந்தம் பருப்பு, பாசிப் பயறு ஆகியவற்றின் விலை சற்று குறைந்து காணப்பட்டது. துவரம் பருப்பு, முண்டு வத்தல், வெள்ளைப் பட்டாணி பருப்பு ஆகியவற்றின் விலை சற்று உயர்ந்துள்ளது. விருதுநகர் சந்தையில் வாரந்தோறும் அத்தியாவசிய உணவுப் பொருட்களின் விலைப் பட்டியல் வெளியிடப்பட்டு வருகிறது. அதன் விபரம் வருமாறு : பாமாயில் 15 கிலோ கடந்த வாரம் ரூ. 2185 என விற்பனையானது. இந்த வாரம் ரூ.10 குறைந்துள்ளது. எனவே, ரூ.2175க்கு விற்கப்படுகிறது. முண்டு வத்தல் புதுசு வகை 100 கிலோ கடந்த வாரம் ரூ. 18 ஆயிரம் முதல் ரூ.19 ஆயிரம் வரை விற்கப்பட்டது. இந்த வாரம் குவிண்டாலுக்கு ரூ.1000 உயர்ந்துள்ளது. எனவே, ரூ. 19ஆயிரம் முதல் ரூ.20 ஆயிரம் வரை விற்பனை செய்யப்படுகிறது. குண்டூர் வத்தல் 100 கிலோ புதுசு வகை கடந்த வாரம் ரூ.13 ஆயிரம் முதல் ரூ.15 ஆயிரம் வரை விற்பனையானது. இந்த வாரம் குவிண்டாலுக்கு ரூ.1000 வரை குறைவு ஏற்பட்டுள்ளது. எனவே, ரூ.12 ஆயிரம் முதல் ரூ.14 ஆயிரத்திற்கு விற்பனையாகிறது. துவரம் பருப்பு 100 கிலோ நயம் ரூ.10,300 முதல் ரூ.10,900 வரை விற்கப்பட்டது. இந்த வாரம் குவிண்டாலுக்கு ரூ.800 வரை உயர்த்தப்பட்டுள்ளது. எனவே, மூட்டை ஒன்று ரூ. 11,100 முதல் ரூ.11,500 வரை விற்கப்படுகிறது. தொலி உளுந்தம் பருப்பு குவிண்டால் ரூ. 9450க்கு விற்ற நிலையில் ரூ.50 குறைந்து, தற்போது ரூ.9,400க்கு விற்பனை செய்யப்படுகிறது. கடலை புண்ணாக்கு 100 கிலா ரூ. 9500 க்கு விற்ற நிலையில் ரூ.100 குறைந்து தற்போது ரூ.9400க்கு விற்பனையாகிறது. வெள்ளை பட்டாணி பருப்பு புதுசு வகை 100 கிலோ கடந்த வாரம் . 3950 முதல் ரூ. 4,200 வரை விற்றது. இந்த வாரம் குவிண்டாலுக்கு ரூ. 450 வரை உயர்ந்துள்ளது. எனவே, மூட்டை ரூ. 4,400 முதல் 4,600 வரை விற்கப்படுகிறது. பாசிப் பயறு லையன் மீடியம் வகை 100 கிலோ ரூ. 9300க்கு விற்கப்பட்டது. இந்த வாரம் ரூ.400 வரை குறைந்துள்ளது. எனவே ரூ.8,900 முதல் 10 ஆயிரம் வரை விற்பனை செய்யப்படுகிறது. பிற அத்தியாவசிய உணவுப் பொருட்களின் விலையில் எவ்வித மாற்றமும் ஏற்படவில்லை.