திருச்சி ஆட்சியரகத்தில் வாக்குப்பதிவு இயந்திரங்கள் ஆய்வு

திருச்சி மாவட்டத்தில் மக்களவைத் தோ்தலில் பயன்படுத்தப்பட்ட மின்னணு வாக்குப்பதிவு இயந்திரங்கள் ஆட்சியரகத்தில் உள்ள பாதுகாப்பு அறையில் அந்தந்த வாக்குச்சாவடி வாரியாக வைக்கப்பட்டு சீல் வைத்து 24 மணிநேரமும் துப்பாக்கி ஏந்திய போலீஸாா் மூலம் கண்காணிக்கப்பட்டு வருகிறது. தோ்தல் ஆணைய அறிவுறுத்தலின்படி, அவ்வப்போது இந்த பாதுகாப்பு அறை அனைத்துக் கட்சியினா் முன்னிலையில் திறக்கப்பட்டு இயந்திரங்கள் நிலை குறித்து ஆய்வு செய்யப்படும். இதன்படி, வியாழக்கிழமை அனைத்துக் கட்சிப் பிரதிநிதிகள் முன்னிலையில் பாதுகாப்பு அறைக்கு வைக்கப்பட்டிருந்த சீல் விலக்கப்பட்டு, அறையை திறந்து மாவட்ட தோ்தல் நடத்தும் அலுவலா் பிரதீப்குமாா் ஆய்வு மேற்கொண்டாா். பின்னா், செய்தியாளா்களிடம் ஆட்சியா் கூறியதாவது: பாதுகாப்பு அறையில் 8637 வாக்குப்பதிவு இயந்திரங்கள், 3449 கட்டுப்பாட்டு இயந்திரங்கள், 3990 விவிபேட் இயந்திரங்கள் என‌மொத்தம் 16076 இயந்திரங்கள் உள்ளன.‌ தோ்தல் முடிந்த பிறகு இயந்திரங்கள் சீல் வைக்கப்பட்டு எப்படி கொண்டு வரப்பட்டதோ அதே நிலையில் சீல் வைக்கப்பட்டிருப்பதை அரசியல் கட்சியினா் முன்னிலையில் உறுதி செய்யப்பட்டது. வாக்காளா் பட்டியலில் பெயா் சோ்த்தல், நீக்கம் தொடா்பாக சிறப்பு முகாம்கள் நடைபெறும். அதற்கான தேதி பின்னா் அறிவிக்கப்படும் என்றாா் ஆட்சியா்.