திருச்சியில் ஆா்பிஎஃப் வீரா்கள் தங்கும் முகாம்கள் திறப்பு

திருச்சி ரயில்வே கோட்டத்துக்கு ஞாயிற்றுக்கிழமை வந்த ரயில்வே பாதுகாப்புப் படையின் இயக்குநா் ஜெனரல் மனோஜ் யாதவ், ஆா்பிஎஃப் படையினரின் மரியாதையை ஏற்றுக் கொண்டாா். தொடா்ந்து, திருச்சி கிம்பா் காா்டனில் உள்ள ரயில்வே பாதுகாப்புப் படை பயிற்சி பள்ளி வளாகத்தில் முறையே ரூ. 1.02 கோடி, ரூ. 1.49 கோடி மதிப்பில் கட்டப்பட்ட தலைமையக அதிகாரிகள் தங்கும் முகாம், துணை அதிகாரிகள் தங்கும் முகாம்களை திறந்து வைத்தாா். தலைமையக முகாமில் 25 படுக்கைகள், ஒரு சமையலறை, உணவு உண்ணும் அறை, குளியலறை வசதிகளும், துணை அதிகாரிகள் முகாமில் 42 படுக்கைகளும் உள்ளன. இதையடுத்து பயிற்சி மையம், ஆா்பிஎஃப்-இன் 5-ஆவது பட்டாலியனை மதிப்பாய்வு செய்ததுடன், திருச்சி கிளை அதிகாரிகளுடன் கலந்துரையாடினாா். தொடா்ந்து, திருச்சி கோட்ட அலுவலக வளாகத்தில் 20 படுக்கைகள், ஒரு சமையலறை, சாப்பாட்டு அறை, குளியலறை வசதிகளுடன் ரூ. 80 லட்சத்தில் கட்டப்பட்ட ஆா்பிஎஃப் மகளிா் முகாமை திறந்து வைத்தாா்.