கோவை: மறுசுழற்சி ஜவுளி உற்பத்தியாளர் கூட்டமைப்பு ஆதரவு !

கூலி உயர்வு வழங்கப்படாததை கண்டித்து கடந்த 20 நாட்களாக போராட்டத்தில் ஈடுபட்டுள்ள கூலிக்கு நெசவு செய்யும் விசைத்தறியாளர்களுக்கு, மறுசுழற்சி ஜவுளி உற்பத்தியாளர் கூட்டமைப்பு ஆதரவு தெரிவித்துள்ளது. சோமனூரில் உள்ள விசைத்தறியாளர்கள் சங்க அலுவலகத்தில் நேற்று செய்தியாளர்களை சந்தித்த சங்கத்தின் மாநில தலைவர் ஜெயபால் கூறுகையில், மாவட்ட ஆட்சியர் தலைமையில் பலமுறை பேச்சுவார்த்தை நடத்தியும், விசைத்தறியாளர்களுக்கு இதுவரை கூலி உயர்வு வழங்கப்படவில்லை. இதனால், விசைத்தறிகளுக்கு நூல் கொடுக்கும் நூல் உற்பத்தி தொழிற்சாலைகள் தொடர்ந்து பாதிக்கப்படுகின்றன. விசைத்தறியாளர்களின் போராட்டத்தால், 2 லட்சத்திற்கும் மேற்பட்ட மறுசுழற்சி ஜவுளி உற்பத்தியாளர்கள் பாதிக்கப்பட்டுள்ளனர். ஜவுளி உற்பத்தியாளர்களின் நூல் விலை 10 முதல் 20 சதவீதம் வரை குறைகிறது. விசைத்தறியாளர்களின் போராட்டத்திற்கு இரண்டு நாட்களில் தீர்வு காணப்படாவிட்டால், தமிழகம் முழுவதும் உள்ள 140 மறுசுழற்சி ஜவுளி உற்பத்தியாளர்களும் விசைத்தறியாளர்களுடன் இணைந்து போராட்டத்தில் ஈடுபடுவோம் என்று தெரிவித்தார்.