ஜி.பி.சோமசுந்தரம் 136-வது பிறந்த தினம்

திராவிடர் கழகத்தலைவர்களில் ஒருவரும் முன்னாள் நாடாளுமன்ற உறுப்பினருமான ஜி.பி.சோமசுந்தரம் 136-வது பிறந்த தினவிழா கொங்கு நாட்டு வேளாளர் அறக்கட்டளை சார்பில் புதன்கிழமை ராசிபுரத்தில் நடந்தது. இதற்கான விழாவில் அறக்கட்டளைத் தலைவர் கே.செல்வகுமார் தலைமை வகித்தார். அறக்கட்டளை செயலர் ஆர்.தங்கவேல், பொருளாளர் ஆர்.கனகராஜன், துணைத் தலைவர் மு.நடராசன், இணைச்செயலர் கே.பாலசுப்பிரமணியம், மாவட்ட அறங்காவலர் குழுத் தலைவர் எஸ்.ரங்கசாமி ஆகியோர் முன்னிலை வகித்தனர். முன்னதாக மேளதாளத்துடன் நகர வீதிகளில் ஊர்வலமாக வந்து பழைய பேருந்து நிலையம் முன்பாக உள்ள ஜி.பி.சோமசுந்தரம் சிலைக்கு மாலை அணிவித்து மரியாதை செலுத்தப்பட்டது. இதில் திரளானோர் பங்கேற்று சிலைக்கு மலர்தூவி மரியாதை செலுத்தினர்.