கள்ளிப்பட்டி அருகே தோட்டத்துக்குள் புகுந்து காட்டு யானை அட்டகாசம் 150 வாழைகள் சேதம்

கள்ளிப்பட்டி அருகே தோட்டத்துக்குள் புகுந்து காட்டு யானை அட்டகாசம் 150 வாழைகள் சேதம் டி.என்.பாளையம் அடுத்த கள்ளிப்பட்டி அருகே உள்ள பெருமுகை வலையபாளையம் மேட்டுக்காட்டு தோட்டத்தை சேர்ந்தவர் ராமச்சந்திரன் (வயது 58). விவசாயி. இவர் தன்னுடைய 5 ஏக்கர் தோட்டத்தில் வாழை பயிரிட்டு உள்ளார். இந்த நிலையில் நேற்று அதிகாலை வனப்பகுதியில் இருந்து காட்டு யானை வெளியேறி ராமச்சந்திரனின் தோட்டத்துக்குள் புகுந்தது. பின்னர் அந்த காட்டு யானை, அங்கு பயிரி டப்பட்டிருந்த வாழைகளை தின்றும், மிதித்தும் சேதப்படுத் திவிட்டு வனப்பகுதிக்குள் சென்றுவிட்டது. தோட்டத்துக்குள் புகுந்து காட்டுயானை அட்டகாசம் செய்ததில் 150 வாழைகள் சேதமாகின.