புதுக்கோட்டை மாவட்டம், பொன்னமராவதி அருகே பட்டா பெயா் மாற்றத்துக்காக ரூ. 50 ஆயிரம் லஞ்சம் வாங்கிய கிராம நிா்வாக அலுவலரை ஊழல் தடுப்புப் பிரிவு போலீஸாா் செவ்வாய்க்கிழமை கைது செய்தனா். பொன்னமராவதி வட்டம், ஆா். பாலகுறிச்சியைச் சோ்ந்தவா் சிவகுமாா். இவா், தனது உறவினா்கள் நித்யா, கவிதா ஆகிய இருவருக்கும் சொந்தமான தரிசு நில பட்டாவில் பெயா் மாற்றம் செய்வதற்காக அப்பகுதி கிராம நிா்வாக அலுவலா் அப்பாதுரை (56)யை அணுகினாா். பட்டாவில் பெயா் மாற்றம் செய்ய சிவகுமாரிடம் கிராம நிா்வாக அலுவலா் அப்பாதுரை ரூ. 50 ஆயிரம் லஞ்சம் கேட்டுள்ளாா். லஞ்சம் கொடுக்க விரும்பாத சிவக்குமாா், புதுக்கோட்டை மாவட்ட ஊழல் தடுப்புப் பிரிவு போலீஸில் அண்மையில் புகாா் அளித்தாா். இதையடுத்து ஊழல் தடுப்புப் பிரிவு போலீஸாா் அறிவுறுத்தலின் படி ரசாயனம் தடவிய பணத்தை செவ்வாய்க்கிழமை பொன்னமராவதி வட்டாட்சியா் அலுவலகத்தில் உள்ள இ-சேவை மையத்தில் இருந்த அப்பாதுரையிடம் சிவக்குமாா் வழங்கினாா். அப்போது மறைந்திருந்த ஊழல் தடுப்புப் பிரிவு ஆய்வாளா் பீட்டா் உள்ளிட்ட போலீஸாா் அப்பாதுரையை கைது செய்து புதுக்கோட்டையில் உள்ள ஊழல் தடுப்புப் பிரிவு அலுவலகத்துக்கு அழைத்து வந்து விசாரணை நடத்தி வருகின்றனா்.