கோபி அருகே பணம் வைத்து சூதாடிய 6 பேர் சிக்கினர்

கோபி அருகே பணம் வைத்து சூதாடிய 6 பேர் சிக்கினர் கடத்தூர், கோபி அருகே உள்ள தடப்பள்ளி வாய்க்கால் பகுதியில் பணம் வைத்து சூதாடுவதாக கோபி போலீசாருக்கு ரகசிய தகவல் கிடைத்தது. அதன்பேரில் போலீசார் சம்பவ இடத்துக்கு விரைந்து சென்றனர். அப்போது அங்கு பணம் வைத்து சூதாடிக்கொண்டிருந்தவர்களை பிடித்து போலீசார் விசாரணை நடத்தினர்.விசாரணையில் அவர்கள் அப்போது கோபியை சேர்ந்த விஜயன் (வயது 50), கார்த்திகேயன் (38), ரமேஷ் (42), அப்துல்லா (30), கீர்த்திவாசன் (28),கார்த்திக் (38) ஆகியோர் என்பது தெரிய வந்தது. அதைத்தொடர்ந்து அவர்களை போலீசார் கைது செய்தனர். மேலும் அவர்களிடம் இருந்து ரூ.420 பறிமுதல் செய்யப்பட்டது.