1 மணி நேர இடைவிடாத சிலம்பம் - சாதனை புத்தகத்தில் இடம் பெற்ற பள்ளி

திண்டுக்கல் ரெங்கநாதபுரம் பாரதி வித்யாலயா பள்ளியில் உலக கலைகள், விளையாட்டு சாதனை புத்தக நிறுவனம் சார்பில் மாணவர்கள் சாதனை நிகழ்ச்சி தலைவர் செபா மாஸ்டர் தலைமையில் நடந்தது.மாநில நடுவர் குழு செயலாளர் பழனிவேல், வழக்கறிஞர் அஜய் முன்னிலை வகித்தனர். பள்ளி தாளாளர் இளம்பாரதி வரவேற்றார். சிறப்பு அழைப்பாளர்கள் சுப்பிரமணியன், பிரபாகரன் பங்கேற்றனர்.எல்.கே.ஜி. முதல் 5ம் வகுப்பு வரையான 122 மாணவர்கள் தொடர்ந்து ஒருமணி நேரம் சிலம்பம் சுற்றி சாதனை புத்தகத்தில் இடம் பெற்றனர். நிகழ்ச்சியின் இடையில் மழை குறுக்கிட்டபோதும் சாதனை நேரத்தை கடக்கும் நோக்கில் மாணவர்கள் செயலில் ஈடுபட்டனர். சாதனை மாணவர்களுக்கு சான்றிதழ், பதக்கம் வழங்கப்பட்டது. உலக கலைகள், விளையாட்டு சாதனை புத்தக நிறுவனம் சார்பில் பள்ளிக்கு நினைவு பரிசு வழங்கபட்டது.