ரூ.125 கோடி மானியம்; கதர் ஆணையத் தலைவர் பேச்சு

 இந்திய கதர் மற்றும் கிராமிய தொழில்கள் ஆணைய தலைவர் ஸ்ரீ மனோஜ் குமார், மத்திய அரசின் கதர் மற்றும் கிராமிய தொழில்கள் ஆணையம் சார்பில் தர்மபுரி மாவட்டம் மொரப்பூரில் உள்ள விஸ்வ பாரதி கலை மற்றும் அறிவியல் கல்லூரியில் கதர் மற்றும் கிராமிய தொழில்கள் ஆணைய தலைவர் ஸ்ரீ மனோஜ் குமார், கிராமோத்யோக் விகாஸ் யோஜனாவின் கீழ் மின் மட்பாண்ட சக்கரங்கள், கருவிகளுடன் கூடிய தேனீ வளர்ப்பு பெட்டிகள், மர கைவினைக் கருவிகள், பனை கருவிகள் மற்றும் கழிவு மர கைவினைக் கருவிகளை பயனாளிகளுக்கு வழங்கினார்.

அங்கு நடைபெற்ற கைவினைப் பொருட்கள் மற்றும் பனை பொருட்கள் கண்காட்சியை பார்வையிட்ட பின் நிகழ்ச்சியில் பேசிய கதர் மற்றும் கிராமிய தொழில்கள் ஆணைய தலைவர் ஸ்ரீ மனோஜ் குமார், தமிழ்நாட்டின் கைவினைஞர் சகோதர சகோதரிகளின் கரங்களை வலுப்படுத்த பிரதமர் நரேந்திர மோடி ஜி அவர்களின் தூதராக நான் இன்று இங்கு வந்துள்ளேன். நான் தமிழ்நாட்டின் புண்ணிய பூமியில் பிறக்காமல் இருக்கலாம், ஆனால் இதயத்தில் நான் உண்மையான தமிழன் எனவே, எனக்கு வாய்ப்பு கிடைத்தவுடன், ஆயிரக்கணக்கான கிலோமீட்டர்கள் பயணம் செய்து, உங்கள் ஆசிர்வாதத்தைப் பெற உங்கள் மத்தியில் வந்து இருக்கிறேன். நாடு முழுவதும் உள்ள 8038 (PMEGP )பயனாளிகளுக்கு ரூ.125 கோடிக்கும் மேலான பண மானியம் விநியோகிக்கப்படுகிறது,

இதில் தமிழ்நாட்டில் உள்ள 728 பயனாளிகளின் கணக்குகளில் ரூ.8 கோடிக்கும் வழங்கப்படுகிறது. இது தவிர, கிராம தொழில்கள் மேம்பாட்டுத் திட்டத்தின் கீழ் இயந்திரங்கள் மற்றும் கருவிகள் வழங்கப்பட்ட 260 கைவினைஞர்களும், 1000 க்கும் மேற்பட்ட தமிழ் சகோதர சகோதரிகளுக்கு வாழ்வாதாரத்தை வழங்குவார்கள். குயவர் அதிகாரமளிக்கும் திட்டத்தின் கீழ், தமிழகத்தில் மட்டும் இதுவரை 1200 மின்சாரத்தில் இயங்கும் சக்கரங்கள் விநியோகிக்கப்பட்டுள்ளன. இதற்காக இந்திய அரசு 16 லட்சம் ரூபாய்க்கு மேல் செலவிட்டுள்ளது. மோடி அரசின் இந்த முயற்சியால் தமிழகத்தைச் சேர்ந்த சுமார் 5000 குயவர்கள் வேலை வாய்ப்பைப் பெற்றுள்ளனர். இதேபோல், தேன் இயக்கத்தின் கீழ், நாடு முழுவதும் உள்ள 20,000.பயனாளிகளுக்கு 2 லட்சத்துக்கும் அதிகமான தேனீ பெட்டிகளும், 6000க்கும் மேற்பட்ட கைவினைஞர்களுக்கு கருவிகள் மற்றும் விநியோகிக்கப்பட்டுள்ளன. இயந்திரங்களும் இத்திட்டத்தின் கீழ் இதுவரை 8,400 தேனீ பெட்டிகள் மற்றும் 1.82 கோடி மதிப்பிலான தேனீ காலனிகள் தமிழகத்தில் விநியோகிக்கப்பட்டுள்ளன.

இதன் காரணமாக 840 தேனீ வளர்பவர்களின் வாழ்க்கையில் பெரிய மாற்றம் ஏற்பட்டுள்ளது. கடந்த ஐந்தாண்டுகளில் தமிழகத்தில் நமது 295 குடும்பங்களைச் சேர்ந்த 590 கைவினைஞர்களுக்கு சுமார் ரூ. 58 லட்சம் மதிப்பிலான பனைவெல்லம் கருவிகளும், 160 கைவினைஞர்களுக்கு ரூ. 41 லட்சத்துக்கும் அதிகமான மதிப்புள்ள அகர் பத்தி இயந்திரங்களும் வழங்கப்பட்டுள்ளன. இது அவர்களின் வாழ்வில் புரட்சிகரமான பொருளாதார வந்துள்ளது. கடந்த 9 ஆண்டுகளில், மோடி அரசின் திட்டங்களை ஒவ்வொரு கிராமத்திற்கும் எடுத்துச் சென்று கிராமப்புற இந்தியாவில் புதிய பொருளாதாரப் புரட்சியை துவக்கியுள்ளது. இதன் புள்ளி விவரங்களில் தெளிவாகத் தெரியும். கதர் மேம்பாட்டுத் திட்டத்தின் மூலம் நாடு முழுவதும் 3 ஆயிரம் கதர் நிறுவனங்கள் செயல்படுகின்றன. சுமார் 5 லட்சம் கைவினைஞர்கள் வேலை வாய்ப்பைப் பெறுகின்றனர். கதர் வேலைகளில் 80 சதவீதத்திற்கும் அதிகமான பெண்கள் வேலை செய்கிறார்கள். கடந்த 9 ஆண்டுகளில் கதர் கைவினைஞர்களின் ஊதியம் 233 சதவீதம் உயர்த்தப்பட்டுள்ளது. தமிழ்நாட்டில் சுமார் 71 கதர் நிறுவனங்கள் உள்ளன.

அவற்றின் மூலம் 14000க்கும் மேற்பட்ட கதர் கைவினைஞர் சகோதர சகோதரிகள் பயன் பெறுகிறார்கள். பிரதமரின் தலைமையில், 'காதி புரட்சி' 'தன்னம்பிக்கை இந்தியா ' பிரச்சாரத்திற்கு புதிய திசையை அளித்துள்ளது. இதன் விளைவு காதி மற்றும் கிராமிய தொழில் பொருட்களின் உற்பத்தி மற்றும் விற்பனையில் தெளிவாகத் தெரியும். என்றார் ‌ஸ்ரீ மனோஜ் குமார், இந்நிகழ்ச்சியில் கதர் மற்றும் கிராமிய தொழில்கள் ஆணைய தெண் மண்டல துணை முதன்மை நிர்வாக அலுவலர் ஆர்.எஸ்.பாண்டே, இயக்குநர் விஜய் ஸ்ரீதர் நிகழ்ச்சியில் அரூர் வருவாய் கோட்டாட்சியர் வில்சன் ராஜசேகர், வட்டாட்சியர் கனிமொழி, முன்னாள் பாராளுமன்ற உறுப்பினர், நரசிம்மன் விஸ்வ பாரதி கல்வி நிலையங்களின் நிறுவனர் சாட்சாதிபதி, பெண்கள் உரிமை மற்றும் வளர்ச்சி நிறுவனத்தின் நிறுவன சொக்கலிங்கம், உள்ளிட்டோர் கலந்து கொண்டனர்.