திண்டுக்கலில் பாதுகாப்பு பணியில் ஈடுபட உள்ள 1500 போலீசார்
மக்களவை தொகுதி வாக்கு எண்ணிக்கை நாளை நடைபெறுவதை முன்னிட்டு திண்டுக்கல் மாவட்டத்தில் S.P. தலைமையில் 1500 போலீசார் பாதுகாப்பு பணியில் ஈடுபட உள்ளனர்.
Update: 2024-06-03 09:21 GMT
திண்டுக்கல் எஸ்பி
திண்டுக்கல் மக்களவை தொகுதி வாக்கு எண்ணிக்கை திண்டுக்கல், பழனிரோடு பகுதியில் உள்ள அண்ணா பல்கலைக்கழக பொறியியல் கல்லூரியில் நாளை (செவ்வாய்கிழமை) எண்ணப்படுகிறது.காலை 8 மணிக்கு வாக்கு எண்ணிக்கை தொடங்க உள்ளது. இதனால் எந்தவித அசம்பாவித சம்பவங்களும் நடைபெறாத வகையில் கண்காணிப்பு பணிகள் தீவிரப்படுத்தப்பட உள்ளன.
இதற்காக மாவட்டம் முழுவதும் பலத்த பாதுகாப்புக்கு ஏற்பாடு செய்யப்பட்டுள்ளது. இதையொட்டி திண்டுக்கல் மாவட்ட காவல் கண்காணிப்பாளர் பிரதீப் தலைமையில் 3 கூடுதல் எஸ்.பி.க்கள், 12 டி.எஸ்.பி.க்கள் உட்பட சுமார் 1500 போலீசார் பாதுகாப்பு பணியில் ஈடுபட உள்ளனர்.
வாக்கு எண்ணிக்கை மையம், முக்கிய அரசியல் கட்சிகளின் அலுவலகங்கள், பொது இடங்கள், வழிபாட்டுத்தலங்கள் உள்ளிட்டவற்றிலும் போலீசார் கண்காணிப்பு பணியில் ஈடுபட உள்ளனர்.