சேலம் அருகே ரேஷன் அரிசி கடத்திய 2 பேர் கைது

சேலம் மாவட்டம் சங்ககிரி அருகே முனியப்பம்பாளையம் பகுதியில் இருந்து ரேஷன் அரிசி கடத்தப்படுவதாக சேலம் உணவு கடத்தல் தடுப்பு பிரிவு போலீசாருக்கு தகவல் கிடைத்தது. அதன்பேரில் போலீஸ் சப்-இன்ஸ்பெக்டர் பெரியசாமி தலைமையில் போலீசார் அங்கு விரைந்து சென்றனர். அப்போது அங்கு சரக்கு ஆட்டோவில் ரேஷன் அரிசி ஏற்றப்பட்டது கண்டுபிடிக்கப்பட்டது.

இதையடுத்து ரேஷன் அரிசி கடத்தியதாக ஈரோடு மாவட்டம் பவானியை சேர்ந்த உதயகுமார் ( 58), பாலு (49) ஆகியோரை போலீசார் கைது செய்தனர். விசாரணையில் அவர்கள் பொதுமக்களிடம் இருந்து ரேஷன் அரிசியை குறைந்த விலைக்கு வாங்கி வடமாநிலத்தை சேர்ந்தவர்களுக்கு அதிக விலைக்கு விற்றது தெரியவந்தது. மேலும் அவர்களிடம் இருந்து 650 கிலோ ரேஷன் அரிசி பறிமுதல் செய்யப்பட்டது.