பைக் மீது கார் மோதிய விபத்தில் 2 பேர் படுகாயம்

குலசேகரம் அருகே பனவிளை பகுதியை சேர்ந்தவர் கோபால். மரவேலை செய்து வருகி றார். அவரது உறவினர் இட்டகவேலி பகுதியை சேர்ந்த ஐயப்பன். 2 பேரும் கடையாலுமூடு பகுதிக்கு பைக்கில் சென்று உள்ளனர். அதன் பிறகு 2 பேரும் வீடு திரும்பினர்.அப்போது பகல் ஒரு மணியளவில் குலசேகரம் அருகே உள்ள உண்ணியூர்கோணம் பகுதியில் வைத்து பின்னால் அதிவேகமாக வந்த பதிவெண் தெரியாத கார் மோதி விட்டு வேகமாக சென்று விட்டது. இதில் 2 பேருக்கும் காயம் ஏற்பட்டது. உடனே அந்த பகுதியினர் அவர்களை மீட்டு குலசேகரத்தில் உள்ள தனியார் மருத்துவமனைக்கு சிகிச்சைக்காக அனுப்பினர். இதுகுறித்து குலசேகரம் போலீசார் வழக்கு பதிவு செய்து விசாரணை நடத்தி வருகின்றனர்.